Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

El xixonés Ricardo Candás gana'l Premiu Xuan María Acebal de poesía

Votos

(Total de votos recibidos 319)

(Puntuación 3,01)

Ricardo Candas

Superficie del silenciu ye'l títulu de la obra ganadora del Premiu que concede la Conseyería d'Educación, Cultura y Deporte

La decimonovena edición del Premiu Xuan María Acebal de poesía n'asturianu fue pa Ricardo Candás (Xixón, 1970). El premiu, que concede la Conseyería d'Educación, Cultura y Deporte, tien una dotación de 3.000 euros.

El xuráu encargáu de valorar les nueve obres finalistes formáronlu persones relacionaes col ámbitu de la lliteratura asturiana. Nesta ocasión cuntó cola participación de los escritores José Ángel Gayol, ganador de la edición anterior del premiu; Irma González-Quevedo Pedrayes profesora de Filoloxía de la Universidad de Uviéu; Elena de Lorenzo, y el filólogu de la Dirección Xeneral de Política Lingüística, Xosé Miguel Suárez Fernández.

Ente les obras presentaes, el xuráu decidió por mayoría concede-y el premiu al poemariu Superficie del silenciu del que se destaca nel acta, "la solidez d'una obra unitaria que crea una atmósfera de sensaciones alrodiu de la memoria, el destín y el presente, entamando un diálogu ente la voz y el silenciu".

La obra presentóse col alcuñu Oswaldo. N'abriendo la plica, el autor ganador resulta que yera Ricardo Candás.

Ricardo Candás (Xixón, 1970) ye llicenciáu en Filosofía pola Universidá d'Uviéu. Tien ganao y'a dellos premios lliterarios, como'l Fernán Coronas (2005), con Quiciás seya payares; el Llorienzu Novo Mier (2010), cola obra Nos díes pensatibles y el Nené Losada Rico (2011) col poemario Naufraxos. Como narrador publicó el llibru de relatos Les últimes pallabres (2010). Publica davezu en revistes como Formientu o Lletres Asturianes.