Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Xixón: la meyor ufierta turística

Votos

(Total de votos recibidos 272)

(Puntuación 3,00)

collage
Que Xixón ye un destín turísticu de calidá notase. A les cualidaes propies de la ciudá nos años caberos xunese l'esfuerciu que los organismos de Turismu de Xixón tan rializando.

Esti esfuerciu traduzse non solo nuna calidá palpable pal visitante sinon qu'amás na postrer edición de FITUR l'Istitutu de Turismu del Estáu español xunta la Federación Española de Municipios y Provincias supieren reconocer esti llabor convirtiendo a la ciudá nel meyor destín turísticu de calildá y a Carmen Río na meyor xestora turística. Estos premios tienen comu finxu la meyora de la esperiencia y satisfaición del turista al empar que pretenden sofitar a les piqueñes y medianes empreses que collaboren col turismu.

L'Alcaldesa Carmen Moriyón foi la encargada de recoyer el premiu al Meyor Destín Turísticu de Calidá quien solliño nel so discursu les cualidaes turístiques de la ciudá, l'esfuerciu qu'el seutor priváu ta rializando nesti campu y la coperación esistente ente l'Ayuntamientu y les empreses turístiques.

Carmen Río Coto lleva diez años dedicada a la calidá turística de la ciudá y el so trabayu foi reconocíu al empar que les escelencies de la ciudá, siendo gallardonada comu la Meyor Xestora Turística. Una vuelta en Xixón Carmen cuéntamos les sos impresiones y esclariamos delles de custiones sobro estos premios.

Xixón competía con alrodiu de 150 destinos turísticos ¿Qué creyes que valoró'l Xuráu a la hora decantase pola ciudá?

Camiento qu'el Xuráu valoró la esperiencia de Xixón nel sistema de Calidá Turística en Destín. Otru aspeutu valoratible dende'l mio puntu vista, sedríe la participación empresarial pos Xixón siepres sobraasaliere por ser el destín con mayor participación.

¿Esperabeis algamar esti premiu teniendo tanta competencia?

La verdá ye que non, pos algamaremos la mención de finalistes nes dos ediciones anteriores, y nun creyíe-mos que fuese a llegar. Hai destinos competiores mui fuertes comu Palma de Mallorca, Lanzarote, Sevilla, Málaga, Córdoba...

Comu otros años la sidre ta munchu presente en FITUR, pero esti añu amás hebio novedaes respeutu ala mesma comu'l "Sidroturismu". ¿Comu ves esta triba iniciatives vinculaes a la sidre?

Anguañu una de les tendencies del turismu ye aniciar esperiencies, y per ende toles iniciatives públiques o privaes que se creyen nesti aspeutu son positives y aíden a posicionar los destinos. Esti productu ellaboráu por Sidra Castañón cobra especial rellevancia al poner de manifiestu ún de los valores que más identifiquen a Asturies, comu ye la sidre y la tresmisión de la so cultura.

Esti añu en FITUR dióse muncha importancia al aspeutu gasronómicu de toa Asturies. ¿Ves Xixón comu destín gastronómicu?

Dende llueu, Asturies y Xixón en concreto pue y tien de presumir de la calidá y variedá de les sos materias primer, asina comu de les inumberables alternatives qu'ufre, dende la cocina tradicional a la más vanguardista. Too ello con una óptima rellación calidá-preciu.

Xixón tien meyorao muncho turísticamente, na to opinión ¿cuáles foren le meyores más deatacables?

Camiento que que l'apueste ya inversión n'istalaciones de primer orde comu'l Xardin Botánicu, l'Acuariu... por supuestu, la profesionalización de la ufierta turística por mor de la política de calidá en destín, y en término xenerales contemplar el turismu comu un seutor estratéxicu pa la ciudá.

¿Creyes qu'esti gallardón ye importante p'atrayer turismu a la ciudá?

Esi ye'l nuesu enfotu, que tea la repercusión que se merez y anime a un bon númberu de visitantes a conocer Xixón y esfrutar de los sos atractivos y de la hospitalidá de la so xente. Toi cierta que nun s'arrepentirán.

Presonalmente algamaste'l Premiu a la Mejor Xestora SICTED 2012. ¿En qué consiste'l to trabayu?

No rellativo a la implantación del Sistema de Calidá, destacaríe comu fundamental el llabor d'asistencia túnnica a les empreses del seutor turísticu llcal, basada en consiguir aplicar ferramientes de xestión afayaices que permitan a la empresa ganar en competitiida. Ye una función prestosa que m'arriquez, pos ellos tamién me tresmiten los sos conocimientos y esperiencia.

¿Qué sinifica esti premiu pa ti?

Pos ye una gratificación presonal y un revulsivu pa siguir trabayando cola mesma enerxía y enfotu, rialmente contenta al er que tola xente s'allegra por min.

¿Creyes que Xixón precisa meyorar en rellación al turismu? De ser asina, ¿qué camudaríes?

Camiento que Xixón tien munchos recursos y atractivos pa consiguir atrayer a l'actividá turística. Tamién creyo que tien una ufierta privada variada y profesonal, que nun ta pasando pol myor de los momentos, asina comu'l restu d'Asturies. Por eso nel puntu que mos alcontramos, ye importante ser optimista y reinventas p'afacese al veceru d'anguañu, mediante l'afyamientu de la política de precios, l'anovación y el marketing on line.

Palabras clave Turismo, 2013, Premios