Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Quique Faes, Premiu Xosefa Xovellanos por "La vida increíble"

Votos

(Total de votos recibidos 570)

(Puntuación 2,98)

Quique Faes
Enrique Faes Díaz (Xixón, 1975), presentó la obra premiada col alcuñu de Belarmino Malospelos
La novela La vida increíble, d'Enrique Faes, ganó la XXXIII edición del Premiu de Novela Xosefa Xovellanos en llingua asturiana, que concede la Conseyería d'Educación, Cultura y Deporte del Principáu d'Asturies.

Según informó esti departamentu, el Xuráu del gallardón, dotáu con cuatro mil euros y al que se presentaben siete obres, tomó la decisión por unanimidá al valorar que se trata d'una novela mui bien construyida, con unos personaxes perbién definíos y qu'aporta a la lliteratura asturiana nuevos horizontes temáticos.

Enrique Faes Díaz (Xixón, 1975), que presentó la obra premiada col alcuñu Belarmino Malospelos, ye llicenciáu en periodismu y doctor en Ciencies Polítiques pola UNED. Trabayó de redactor en dellos medios asturianos como La Nueva España, El Comercio, Estrella Digital y Asturnews.

Tien publicaes, ente otres obres, tres noveles (la última d'elles L'agobiante imperfección de les coses, Trabe, 2004), una recopilación de cuentos (Asuntos menores (o non), Trabe, 2007) y una biografía d'investigación histórica (Claudio López Bru, Marqués de Comillas, Marcial Pons, 2009).

También ye coautor d'una serie de reportaxes titulaos Escueles rurales. Alcordanza viva d'Asturies (Gobiernu del Principáu d'Asturies, 2007) y de la biografía El sueño republicano de Manuel Rico Avello (1886-1936) (Biblioteca Nueva, 2011).

El Xuráu del premiu, presidíu pola Directora Xeneral de Política Llingüística, Ana María Fueyo, contó cola participación de los escritores Xandru Fernández, Inaciu Llope y Penélope Miranda.