Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Xixón en Familia - Coses de neños/es

Votos

(Total de votos recibidos 2143)

(Puntuación 2,99)

merendero
Munchísimos parques con xuegos infantiles, siendes verdes pa caminar o pedaliar, aries recreatives, merenderos, prestosos museos que tamién s'apunten a organizar talleres p'averar el patrimoniu artísticu a los y les visitantes más xóvenes, son dalgunos de los recursos que les families con neños y neñes puen esfrutar en Xixón. Too ello tresnao con una amplia y bayurosa ufierta cultural y llúdica demientres tol añu.
Porque nos presta curiar de la xente menudo que nos visita proponémoste una seleición d'actividaes y recursos pa los más "reis" de la casa. ¿Quién dixo que nun se pue viaxar con neños y neñes?


PA FACER SOLOS/ES
Durante tol añu celébrense davezu nel orixinal equipamientu del Centru d'Arte y Creación Industrial dellos talleres pa la xente pequeño de la casa al rodiu del teatru, la cocina, internet, los cuentos… Tamién, el Xardín Botánicu Atlánticu organiza Pasaporte a la Naturaleza, una forma d'averar la naturaleza a la xente pequeño.
Talleres pa peques de 6 a 12 años nos que deprender a ser responsables nel curiáu del mediuambiente.



PA MERENDAR
Lo más llambión de la gastronomía xixonesa tien la so cita nes pasteleríes de la ciudá. El "Gijón goloso" ye un productu que nos convida a tastiar los postres más escoyíos nes pasteleríes más nomaes a precios más que razonables.



PA ESFRUTAR EN FAMILIA

  • Talasoponiente tien un perbón parque lúdicu acuáticu pa esfrutar del agua a lo grande nun ablucante espaciu. Esnidiaderos, cueva con cortina d'agua, ríu contracorriente y delles piscines formen esta prestosa zona de xuegos.
  • El Centru d'Interpretación del Cine d'Asturies organiza tolos sábados durante'l períodu escolar proyeiciones de películes infantiles. Amás, l'actividá ye de baldre.
  • L'Acuariu de Xixón ye ún de los mayores focos d'atraición pal públicu infantil. Nél van convertise n'esploradores y van poder descubrir cómo comen les especies más llamatives, como los tiburones, llóndrigues o pingüinos, y tamién probar a tocar una estrella de mar.
  • El Bus turísticu tamién tien en cuenta a les viaxeres y viaxeros más xóvenes con una canal especial, nel que la historia de la ciudá ye más prestosa y afayadiza.